Det store svevet

Det er i år 40 år sidan Jon Fosse debuterte med romanen Raudt, svart (1983), og forfattarskapen til Fosse gjer seg sterkt gjeldande både i Noreg og ute i verda.  

I samband med jubileet ønskjer Det Vestnorske Teateret, Haugesenteret, Fosse-stiftinga, Festspillene i Bergen, Nasjonalbiblioteket og Litteraturhuset i Bergen å belyse og diskutere ulike verk av Fosse i eit eige heildagsprogram. Symposiet skal ta for seg både prosa, poesi og dramatikk av Fosse og knyter dermed òg band til ei særdeles tydeleg Fosse-satsing på Det Vestnorske Teateret (DVT) denne våren.  

Dramatikaren Fosse har betydd mykje for Det Vestnorske Teateret og Festspillene i Bergen over mange år. Denne våren får Bergen verdspremiere på det nye Fosse-stykket I svarte skogen inne som er skrive for Det Vestnorske Teateret og Det Norske Teatret, i eit samarbeid med Festspillene i Bergen. Tidlegare Fosse-framsyningar under Festspillene inkluderer premierar på Andvake (2017), Hav (2014), Skuggar (2006) og Draum om hausten (2005).  

Denne våren blir det også vist ei dramatisering av barneboka Spelejenta frå 2009 på Det Vestnorske Teateret, og gjort tonesette lesingar av alle dei tre delane av Hundemanuskripta. Tekstane Fy å fy, Nei å nei og Du å du er skrivne i åra 1995–1997.  

-

Program på Litteraturhuset i Bergen

10.00 Kaffi og velkommen

10.15–10.55 Frode Helmich Pedersen, professor i nordisk litteraturvitskap ved Universitetet i Bergen
Nokon kjem til å komme: Ei nylesing.

11.00–11.40 Mads Thygesen, professor i anvendt dramaturgi ved Kunsthøyskolen i Oslo
Draum om Hausten – tid, ironi og identitet i Jon Fosses dramatikk.

11.40–12.00 Kaffipause

12.00–12.45 Unni Langås, professor i nordisk litteraturvitskap ved Universitetet i Agder
«Var du ikkje redd.» Aspekter av angst i Jon Fosses forfattarskap.

12.45–13.15 Lunsj

13.15 Høyrespel
Leika leiken

13.30–14.10 Christine Hamm, professor i nordisk litteraturvitskap ved Universitetet i Bergen
Menn frå bygda. Kjønn, klasse og kunst i Naustet og Septologien.

14.15–14.55 Trond Haugen, forskingsbibliotekar ved Nasjonalbiblioteket
… den fordømrade klokka! Om den kritiske mottakinga av Jon Fosses debut Raudt, svart.

15.00–15.40 Benedikte Berntzen, forskingsbibliotekar ved Nasjonalbiblioteket
Han og ho ut i verda. Internasjonale spor i Jon Fosses privatarkiv.

15.45–16.15 Eli Fossdal Vaage, forfattar og skrivelærar ved Skrivekunstakademiet
Gud er eit mjukt øyre. Nokre tankar om Jon Fosse sin lyrikk.

-

Program på Det Vestnorske Teateret

18.00–19.00 Spelejenta, Scene 2

19.00–20.00 I svarte skogen inne, Hovudscenen

21.00–22.00 Hundemanuskripta – Fy å fy, lese av Sigmund Njøs Hovind, musikk av Arne Toivo Sandberg Fjose, Skifte

-

Foto: Agnete Brun